القهوة الساده
وكالعاده
ب يُمر الوقت
كسلان يتاوب
وف ساعاتى بصيت
ونفخت
قاعد من يمكن
عام نول
ويدوبها وتلت
والسكر عالى
ومصدع
وب اموت م
الضغط
متكدر مرزي
على القهوه
وب تغنى الست
وعجوز ب يتمتم
متحسر
ريانه يابت
وادلع
وامشي
وعلى
مهلك
والنعمه ولعت
وأسامه يبٌص
ويضحكلو
وياجدو كبرت
محتاجه لحد
يكون
ورور
فاهم فى التِت
تعدل
ضفايرها
وتتبسم
والله شبعت
وتجز
سنيه
ف
شفايفها
شوف ياختى
البت
ويرُد
عليها
الشيخ
حسنى
معذوره ياست
وترد الحاجه
من المصمط
حتى انتا
يازفت
فتحت خلاص
وبقيت
شايف
الواد م البت
ويرُد ب حِرفه
الشيخ حُسنى
دى بصيره ياست
مش لازم
اشوفها بنور
عينى
م الريحه فهمت
وهريدى بيُظغر
ل اُم احمد
فارقينا ياست
عاماله تفاصلوه
ف كيلو قوطه
بصيت وضحكت
وشاورلى وماسك
بلعومو
وهزيتللو فهمت
وأبو فاطمه
بيلعب
في موبايلو
وب يشوف النت
والعربي بينده
على فتحى
تعميره يازفت
زود على القهوه
اتنين حلبه
وخلصني
قرفت
وسي أحمد قايم
بيزعق ما توطو
الزفت
خلونا نركز في
العشره
يا اخوانا
ورمت
ورينى الزهر
انتا ب تُقُرص
وضحكلو
التِلت
من إمتى انا
ب اقرُص
ياحيلتها
ولا انت شبعت؟
عايز تتلكك
وتروح
مرعوب م الست؟
وانفجر الضحك
ملا القهوه
ونسينا السِت
وما تغير يابنى
لحاجه تانيه
مش وقت السِت
أقلب
فرجنا على
الدنيا
ونسينا الزفت
ومُذيعة
بتُبرق ع
الشاشه
ويا شَق اللِفت
معجونه بقشطه
وعسل أبيض
وب ينزل صمت
ع القهوه
وكُلو بيتنهد
وب يشحن كارت
ورقمها منور
ع الشاشه
رنيت وفصلت
وهمست لنفسي
ياعم أعقل
راح فين الضبط
امسك في مشاعرك
واتحكم
واهو زاد
الضغط
وعناب يا
العربي
بلاش قهوه
وما تحُطش زفت
ح
القيها ياعمى
من السُكر
ولا من الضغط
بصيت في الساعة
ب تتدلع
نعساان الوقت
والعقرب ماشي
ب يتمخطر
وناقصلو التخت
هزيت ف دماغى
خلاص هانت
وبقينا
وتلت