26/2/2017
المُغنى
طول مافيا نفس
ح اغنى
مش مُكابرة لكن
لأنى
اتولدت عشان اغنى
ايوه انا ايوه المُغنى
عشق روحى في
التغني
ودى الحقيقة مُش
تمنى
مهما احزن
مهما افرح
التقيني لروحي اغنى
طول زمانى
طول زمانى
وم البداية ف
صُغر سنى
ايوه انا ايوه المُغنى
ادي القمر
ادى القمر
وادى النجوم
شاهدين عليك
إنك محير قلبى فيك
وسايبنى وحدى
للسهر
واتملى فيك
والشوق ياخُدنى يهزني
واشتاق إليك
كان نفسنا
يشفع لنا
شوقنا وتيجى تودنا
بلقاك ويحلو السمر
لكن مادام طبعك كده
والله ل اشهدهم
عليك
ادى القمر
وادى النجوم
شاهدين عليك
وب يحلفولي إنُهُم
با يتين
معايا
لحد ما اطمن عليك
وتدُق بابى
وتسعدو دقة ايديك
تطرح جناين حُب فيا
وقلبي يتسند
عليك
شوف أد ايه
مستنظرك
شوف أد ايه الشوق
اليك
ولو تغيب
والله اشهدهُم عليك
24/2/2017
23/2/2017
21/2/2017
20/2/2017
19/2/2017
18/2/2017
17/2/2017
انتى
ورغم ضيق
الكون دا كُلو
ب يبقى
في عيونك
ورغم وسعو
وازدحامو
فيه لوحدى
ب اتوه
وبس
لما بتيجى سيرتك
يبقى
كُل الكون بديع
تبتدى
تفتح ورودو
ويترسم
مليون ربيع
صباح الفول
وياصُبح مضايق
لاوى أوى ف بوزك
كأنى سبيتك
أو كُنت جوز أُمك
داخل شمال في الكون
زاعق ولا همك
وكأننا قاعدين
ب نجيب في سيرة أُمك
مره بقى تنضف
مايجيش معاك غمك
وشوف بلاد الناس
فيها الصباح ازاى
ب يصحو يا كلو كيك
وحاجات من اللى هاى
مش كحيانين زيك
جايبلى نص رغيف
وتقولي فين الشاي
وأن قلت لك نفطر
تعملي فيها عبيط
وتقولي يعنى ازاى
حاول بقى تفهم
خليك صباح مسؤول
وانسى ولو مره
عشقك أوى للفول
وهات معاك حاجه
م الباقى م البهوات
بياكلو بسبوسه
ويفتو كورن فليكس
شاربين حليب طازه
وغير العصير والبيبس
وحاجات كتير تانيه
ب تفتح أوى للنفس
وعارف انا ردك
ح تزم فى شفايفك
وتقولى فين النفس
وكمل بقى الخُطبه
عن الجسد والنفس
وان الحياه فانيه
ونعيمها طيب النفس
واسمع بقى
منى
بكل رقه وهمس
ماتورينيش وشك
وخلينى اعيش
فى الأمس
15/2/2017
14/2/2017
يا جعيدى ياواد عمى
وياجعيدى
ياولد عمى
الحقنى انا ب
اتخنق
أُختك لبست
جُونيله
واخوك علق حلق
في ودانو وهز وسطو
وضيق الخلق
وابُوك في
النت بلط
وكاره الخــلق
وبيدعى في
البلد دي
ياريتو ما
اتخلق
وأُمك بقت
مصيبه
في الضُمنه
وفى الورق
ومافيش حد
يجاريها
ولا عمرو ح
يتخلق
وجدك للجيرل
دانسنج
بينظم الفرق
وبيحدث قال
بلدنا
وينقذها
من الغرق
وبيقول قال دى
رساله
وهو ليها اتخلق
وكمان بطل يصلى
وخلاص دقنو
اتحلق
والناس عاشقاه
لجدك
وبياخدو معاه
فرق
ف الحقنى
ياولد عمى
خلاص انا بتخنق
ياتاجى تاخُدنى
عندك
يا انضم انا
للفرق
قلبى ما صدقنيش
قلبي
ما
صدقنيش
ولا خد
بأعذاري
وقالي ليه ح نعيش؟
في الصمت
ونداري
افتح بيبان
الشوق
خلى الغُنا
ساري
ولملم الاحباب
سهرلي أوتاري
ياقلبي صدقتك
وياريت
ماصدقتك
رجعت تانى وحيد
ونيسي أوتاري
قلبي
ما صدقنيش
وفتح بيبان
الروح
لعب الهوا بيا
وب اروحلو فين
ما يروح
وارجع لياليا
تملاني شوق
وجروح
لا
صمتي ريحني
ولا دواني
البوح
قلبي
ماصد قنيش
وعلا الغُنا
فيا
هيئت أفراحي
وضويت لياليا
انقُش
حروف اسمك
قمره
ملاليه
وف عز
عز الشوق
يخلى القمر
بيا
الاشتراك في:
الرسائل (Atom)