جايين يقلبوني
ربك نجدنى منهُم
طلعت وبسرعه روحى
سبحانه رحمنى منهُم
شُوفت الحسره
ف عينيهُم
والحقد كان قاتلهُم
ارتاح ابن اللئيمه
وسمعت الهمس منهم
ومين اللى يسد عنو؟
سؤال ودار مابينهُم
سايب حاجه لعيالو
دا سؤال الأخ زينُهم
وبسرعه رد تامر
مالوش عيال يازينُهم
ردت منال خُساره
يموت محروم حنانُهم
ياحاجه أصلو عازب
دا كلام حسين مُديرهُم
وحتى مالوش قرايب
ينفع نلم منهُم
أغلبهُم زيو واكتر
يمكن هو اللى بينُهم
كان لاقى مكان يلمو
وكمان اتبرا منُهم
طيب والحل قولى
ح تعمل ايه يازينهُم؟
مافيش حلول ياريس
وانت الكبير مُديرهُم
فكر حسين شويه
في كلام الحاج زينهُم
عض ف شفايفو تمتم
دلوقتى بقيت مُديرهُم؟
طول عُمرك قلبك اسود
ابدا ماتروق يازينهُم
ح تموت وتكون مكانى
بشويتين عاملهُم
وأ كيد أ كيد ح تفرج
واكتم نفسك يازينهُم
اكتب ياسيدى عندك
فلوسو كان دافنهُم
في بنوك كتيره بر
وماسابش حاجه منهُم
ولابُد نروح سويسرا
نجيب فلُوسنا منهُم
انا ح اخد اللجنه اسافر
وانت تخليك يازينهُم
وأمطار غزيره جدا
نزلت من دمع زينهُم
وعمرك ياحسين
ماتنضف
طبعا دا همس زينهُم
دا وصل نور ياريس
عشرين جنه وكُسورهُم
ندفعهُم أحنا أحسن
أموات ونزكى عنهُم
ورد حسين لايُمكن
حتما لازم نسافر
ونجيب فلوسنا منهُم
بالمره نزور سويسرا
ويطمنوننا
عنهُم
حسابتنا هناك ب
تكبر
ولابد نشوف مصيرهُم
وبقيت ميت وبلطُم
كان نفسي اكون
معاهُم
وياريتنى كنُت منهُم