أولاد الناس يا طيب
في الدُنيا
قُليليين
نادر جداً
وجودهُم
وما فيش منهُم
خزين
تقابلهُم مره
واحده
أو يمكن مرتين
واما تعوزهُم
تدور
في حكاوي
المداحين
أو في القصص
القديمه
وأساطير
المُنشدين
وان ما قابلتش
فعادي
ياما زيك محرومين
ما شافوش غير
الزباله
وولاد المُجرمين
من أصناف
الحُثاله
بالزور كده
موصفين
كما ناس لكن
تدور
في الأصل تلاقي
مين؟
خنزير أباً
وجداً
ملعون ابن
اللعين
وولاد الناس يا طيب
في الدُنيا
قُليليين
كالماس أو يمكن
اندر
م الماس مش
موجودين
في الوفا وفي
الصدق ايه
وفي الأصول
يسبقنا مين؟
بس خاف لو يوم
كرهنا
كُرهنا واضح
مُبين
لحظه واحده
وتبقى ماضى
وعُمرنا ما ف
يوم نلين
حتى لو كانت في إيدك
بعد رب العالمين
روحنا ندفعها بكرامه
بس مانوطيش جبين
مهما كان حجم
المصالح
مهما كُنا
مُعدمين
حتى لو حنموت
بجوعنا
وياكلوا حتى
عيالنا طين
أو يموتوا ياعم
خالص
بس موتة مُكرمين
جِدرِنا في
الأرض ضارب
عِد ألاف السنين
والنفوس شامخه
وأبيه
وربنا قادر
مُعين
ل عاشقين
الكرامه
واللي مايوطوش
جبين
إلا في صلاتهُم
لسيدهُم
يعنى رب
العالمين
أصلُهُم مالهومش
سيد
غيرو يحنولو
الجبين