31/3/2017
30/3/2017
29/3/2017
28/3/2017
27/3/2017
كتب الكتاب
كاتب ب يكتب
واتكتب كتب الكتاب
بصت مراتو
وكملت
كان يوم هباب
همست حمماتها
ومصمصت
شوفنا العذاب
ردت حمماتو وكملت
جالنا
الغُراب
معازيم وطلعت بحلقت
فين الكباب ؟
ياعيله واطيه
ومُجرمه
لحمة كلاب ؟
واحلام كتيره ب
تنتهى
وبدأ الضباب
دياااانه واقفه
بتنظر
على كُل باب
وعيال كتيره ب
تتولد
بدأ السباب
وصاحبنا كاتم ائنتو
ب يكتب كتاب
عن عيد جوازو
وفرحتو بكتب
الكتاب
26/3/2017
25/3/2017
24/3/2017
23/3/2017
سفر الحاجات
ب تسافر الحاجات...
في سكة السُكات
ترجع حزينه جدً
تبدء فيا العظات
لوكنا صبرنا حبه ؟
مش كان الوقت فات
أو يوم وطينا سنه
مش كُنا في التبات
ودانا لفين
وضُوحنا؟
غير شوقنا للمات
وعطشنا ف كُل لحظه
للفرح
والحاجات
22/3/2017
20/3/2017
مسير الحظ يضرب
ومسير الحظ يضرب
ومسيرها الدُنيا
تيجى
والعب بطوله وحدى
ويطرودوا المليجى
واجيب قنديل يغنى
من جد ومن حقيقى
والاقى الباب يخبط
هيفاء
ب تقول ما تيجى
وابوس الواوا وحدى
واشرب وابل ريقي
وابعت لهريدي يبعت
مليون صندوق
معسل
والديلر وحدو
ييجى
ومعاه كُل اللى
ينعش
والهبو م
الحقيقى
واليسا تقولى فينك
عاملا
الفطار ب أيدى
أأقولها ف مارينا
تقولى لأ في بارى
وأقول لها ف طريقي
ومسير الحظ يضحك
والدنيا تروق تمام
واللحمه تخُش بيتنا
ونعرف طعم الحمام
وانام في الأوضه
وحدى
زهقت من الزحام
وسرير يكون بتاعى
وخالي من الزُكام
وييجى السواق
ياخُدنى
(لما القا شُغل
يعنى )
ويعطفوا اللئام
ولما ادى لحد رشوه
يقولى لأ حرام
بطلنا الرشوه
خااالص
وبقينا في التمام
من يوم ما الثوره
نجحت
وبطلو الكلام
وكل بيت ب ينتج
بط ووز وحمام
وبقينا كمان نصدر
لروسيا واليونام
قصدي اليونان
ياسيدى
لكن خانى
الكلام
وكمان أمريكا طلبت
منا بواقي الطعام
ح نعمل أيه؟
غلابه
مع أنُهم لئام
ومش وقت عتاب يا
اخينا
واحنا ياسيدى
الكرام
ولقيتني فجأه ب
اصحا
على صوت عبد السلام
بيقولى الميه قاطعه
وب يعزفوا السلام
حُسنى اخد البراءة
والعدلي في التمام
ساعتين خلاص ويُخرج
وب يمسكوا اللئام
اللى الاحلام
خدتهُم
يلا نزوغ أوام
وجرينا بسرعه
نُصرُخ
ونبوس رجل المدام
تقبلنا معاها نرقص
ونتوه وسط الزحام
بصت لى بنُص زغره
وقالت لى خلاص
كلام ؟
ماعادش الرقص عيبه؟
واحلوت المدام ؟
قلنا لها نبوس
أيديكى
فُكينا من الملام
وبلاش نقول في عرضك
ل تحورى الكلام
تشوفيلنا أى صرفه
ومش ح نقول بكام
ولما الحظ يضرب ؟
ضحكت
وقالت لى نام
خلص الكلام ياروحى
والحظ خلاص سلام
وماعادش يروح
ياعينى
غير للناس التمام
ومسحت بكُمي عينى
قلتلها صحيح تمام
وادو المليجى دورى
وبلغوه سلام
وان عاز كومبارس
يعنى
انا راضى وب انسجام
ومسيرها الدُنيا
تضحك
وتروق للغير
تمام
شاديه وحسنى مبارك
طول عمرى
اعز شاديه
واشيلها جوا
عينى
بالذات
لما ب تغنى
مش قلت لك
ياعينى
بس انهارده
غنت
وبكت دمع
عينى
مزاجها ماكانش
رايق
وقالت لى اسمع
ياعينى
ترلم ..ترلم
..ترلم...ترلم
مش قلت لك ياقلبى
مش قلت لك ياعينى
ح يجى اليوم
ياقلبى
وتشوف السجن
عينى
اهو كلهم براءه
وادينا المسجونينى
وصرخت ياشاديه لأ
كدا انتى ب
تسجنينى
قالت لى ي
اما اكمل
ي اما تغور
ياعينى
قلت لها خلاص ياستي
اشجينى
واطربينى
هاتى الكوبليه
التانى
ويلا سمعينى
صدحت بصوت ملايكى
وقالت اسمع
ياعينى
الغم عليا بان
وبان عليه كمان
والكلمه بين شفايفى
يلا نروح اللومان
خبيتها ف قلبى جوا
لحد ماقالها هوا
وصبرنا كتير ياقلبى
واشتقنا كتير
ياعينى
واهو جانى اليوم
ياقلبى
وجفت دمع عينى
مش قلت لك
مش قلت لى
مش قلت لك ياقلبى
مش قلت لك ياعينى
اتهنى ياعينى وغنى
وشوفي السجن شوفي
سهرتك غصب عنى
ولا حاشني غير
ظروفي
ضيعنا مية مقابله
مين في الزنزانة
قبلا
ياما اتمناها قلبى
ياما
اشتهتها عينى
واهو جانى اليوم
ياقلبى
وجفت دمع عينى
مش قلت لك ياقلبى
مش قلت لك ياعينى
قلت لها بس
جدا
خلاص شكراً ياعينى
يارب ياخدها
ودنى
لو مره سمعت
تانى
وان شا الله
تعدمينى
قالت لى لأ ح
اغنى
أن راح منك
ياعين
اهي حاجه فريحي
برضو
وتنسي اللى شوفتوا
منى
انا قلت خلاص
نفرففش
قلت لها
سمعينى
لقيتها قوام ب
تهتف
ان راح منك ياعين
حيروح من ربى فين
السجن يسيبوا
هو
ونبقى
المسجونين
خليه يفرح
شويه
خليه ينسي الأهات
دى الأخره لسا
جايه
وفيها ح يشوف
حاجات
وصرخت خلاص
ياشاديه
ابوس أيدك
سكات
ولقيتها برضو
قايده
ف النار
ويا هتف هات
والحقد اللى في
قلوبنا
الناس فاكرينو
ايه
وإياك يوم تنسيه
ومهما سكتنا
عنو
نسيانو أقوى
منو
ولايهمك ياعين
حيروح م الأخره
فين
يسيب السجن
هوا
ونبقى أحنا
المسجونين
ولع ياواد
ياقُرنى
وقولى الشيشه فين
وصرخت بعلو صوتى
ملعون أبو اللى
يسمع
من تانى
لفنانين
كان مالها الست
هيفا
ومالو الواد حسين
فى تسلم الأيادى
وننام كدا
مبسوطين
الاشتراك في:
الرسائل (Atom)