وبياخُدني
الشوق
ساعات
وافضل انبش
في الُسكات
مرة نُص
ومرة دايره
ومره تيجى
مربعات
مره هاديه
رقيقة ناعمه
ومره ماسكالي الصاجات
مره الاقى
الشوق يدندن
وف كتير
لاوى بوزو
بكُل همو
ومره يهمسلي بحاجات
وابتسملو
ولسا ح اضحك
يبتدى يعلي
الاهات
ومره تانيه
الشوق ياخُدنى
وافتكر ملايين
مره حلوه
ومره مُره
ومره جرحى
جيب شوالك
يلا عبي خُد شوية ذكريات
واما اهم خلاص
ح اعبي
تقلب الحيره
بسُكات
ويرتعش جوايا
قلبى
نبتدى منين
الحاجات
ناخُد الحلم
اللى لسا ؟
ولا ناخد
الذكريات؟
نبتدى نسهم
ونسرح
نلقى نُص
الوقت فات
ولسا نُص الحلم
فاضل
بس فين
الذكريات؟
ولسا ب افتح
عايز اعبي
التقيت
الذكريات
اللى دبلت
واللى ملت
واللى ماتت من
سُكات
رحت حاضن
فيا جرحي
وانفجرت كتير
حاجات
ليست هناك تعليقات:
إرسال تعليق