11‏/6‏/2026

صل وسلم وبارك على أنوار الكمال

صل وسلم وبارك

على أنوار الكمال

أحمد سيد الخلايق

جامع حُسن الخصال

والشافع يوم قيامنا

ويا سعدو مين ينال

ع الكوثر منو شربه

والله وكانت مٌحال

ولا حدش بيها يحلم

إلا سياد الرجال

م الصُحبه وأهل بيتو

والبالغين الكمال

في الطُهر وفي العباده

وإيمان يوزن جبال

إكرمنا يارب بيها

واوعدنا وزيد دلال

لما يسلم علينا سِيدنا

ويادي الجمال

الأُمه بحالها واقفه

عند أحمد وبجلال

ب يباهي الخلق بيها

والله ونالوا المُحال

ودا كُلو بحٌب طه

أحمد نور الكمال

يبقى ألزم يلا ذكرو

وصل وسلم وحال

قلبك يصبح بعشقو

يوزن كٌل الجبال

واوسم في القلب إسمو

نور أنوار الكمال

أحمد طه المُكمل

جامع حُسن الخصال

والهادي للبريه

نبع أصول الجمال  


9‏/6‏/2026

على أد الشوق ب اغني والشوق لاحمد كتير

 

على أد الشوق ب اغني

والشوق لاحمد كتير

أكتر من إنو يُحصى

أكتر واكتر كتير

ودا بحر شطوطو ياما

قد ما تقدر تسير

تلقاك ع البر لسا

في هواه وكمان أسير

ويا حظك اه يا سعدك

وكمان نعم الأسير

لو يملى عليك حياتك

عشقك لاحمد تسير

ع الدٌنيا تكون مالكها

ولا فارقه معاك كتير

كُل ما فيها بزينتها

ولا تسوى يادوب حصير

ورصيدك عشق أحمد

خلاك قادر تدير

الكون على قد عشقك

وبقيت عالم بصير

عارف إن اللي باقي

م الدنيا ياااه يسير

مهما تطول سنينك

جايلك يوم المصير

ترحل زي اللي راحوا

من قبلك يااه كتير

والنافع ليك ساعتها

مع عملك شيء يسير

من وِرد وكان لأحمد

وهيامك بيه كتير

وعلى أد الشوق لأحمد

أد ما أمرك يسير

وعلى أد الشوق راح امدح

وامدح وامدح كتير

مدح ف سيد البرايا

مُش والي ولا أمير

مدح بكُل المحبه

مُش سبوبة أجير

عاشق والله ل احمد

 عاشق ولا عندي غير

سيرة طه المُكمل

سيدنا وسيدنا بضمير

بنقولها بنيه صافيه

ونتعشم بيها خير

 

 

 

 

 

 


8‏/6‏/2026

العباد لو ملوا مني إنتا أٌنسي وونسي بيك

 

العبيدبتمل منك

لما بتنفض إيديك

وان حصل (ولابُد يحصل)

جارت الأيام عليك

أو مصالحهُم في غيرك

وانتهى العشم اللي فيك

والكريم مهماً نسيتو

يذكُرك يأنس إليك

واما ترفع بس إيدك

تشتكي يطبطب عليك

شوف بقى الرحمه اللي منو!

وشوف بقى الجهل اللي فيك!

واسألك بالله و وحدو

أيوا وحدو مالوش شريك

هل دا يُنسى؟ وهل دا يُعصى؟

أو ل لحظه يهون عليك

تُهجُر الرحمن وتنسى

فضلو م الأول عليك

لما كٌنت يادوب كمُضغه

لحد ما الدُنيا ف إيديك

زهزهت وقالتلك اشبع

والنعيم ضلل عليك

بس جايلك يوم ويخلص

كل دا ويقفل عليك

نُص متر X متر وحدك

عند مولانا المليك

يبقى م الأول وتعرف

بعدو وحدو ما حد ليك

هوا بس وكُلو فاني

وربنا يحنن عليك

يرزقك تفهم ونفهم كُلنا

نناجي المليك  

يا كريم بالعفو تمحي

ذنبنا وترحمنا بيك

واللي كان من الهفو زله

مُش صلف وتحدي ليك

دُنيا غرتنا ورجعنا

نبتهل ونلوذ وبيك

يستجير كُل الخلايق

يا اللي ما عندك شريك

أو ولد أو صاحبه تؤمر

أو تشاركك يا مليك

والعباد لو ملوا مني

إنتا أٌنسي وونسي بيك

يا اللي ما قبلك وبعدك

يا للي ما ف مُلكك شريك

2‏/6‏/2026

قلبك لو حب طه

 

قلبك لو حب طه

 يملاه ربك بخير

أحمد سيد البريه

والدال على اليسير

من أمر الدين ودُنيا

مهما تعاند يسير

الخير وياك يلين لك

كُل الأمر العسير

بمُجرد بس طه

يسكُن قلب وسير

بمحبة طه واصدح

صل وسلم كتير

 

 

31‏/5‏/2026

عند باب نور الهدايه

 

عند باب نور الهدايه

واقفه ياما كتير صفوف

والجميع ولهان بيدعي

الروضه مليانه بألوف

م المشارق م المغارب

عربي عجمي وشوف وشوف

كُل ألوان البريه

عند باب احمد تطوف

اللي باكي واللي شاكي

واللي بيناجي بكسوف

جيتها متأخر ولكن

مش بإيدي دي الظروف

وأول القرشين ماكملو

جيت ازورك جيت اطوف

مُش بعيني. لأ بقلبي

يا رحيم بينا ورؤف

29‏/5‏/2026

الامام للكُل هوا والشفيع يوم القيام

 

الامام للكُل هوا

والشفيع يوم القيام

واللي بعد المولى إسمو

لافتتاح خير الكلام

واللي بُهداه اقتدينا

واللي في شرعو السلام

واللي هادي للمحبه

واللي رحمه للأنام

واللي ما بعدو رساله

واللي كان مسك الختام

للهُدى من عهد أدم

حد ما يقوم القيام

كُلُهم خايف وساكت

كٌلٌهم مانع الكلام

إلا سيدنا وشفيعنا

وحدو بيناجي السلام

والسلام بيقوللو أُطلُب

يُستجاب طلبك وقام

في الخلايق سيدنا يشفع

والجميع في عِشقو هام

كُلُهم ينده يا سيدنا

يا نبينا وبغرام

الشفاعه يا نبينا

يا كريم يا ابن الكرام

 يا اللي بُهداك اقتدينا

ويا اللي وفيت بالتمام

شرعتك م النار خدتنا

وارتضى لينا السلام

جنة الخُلد ومنحها

لكُل أتباع الإمام

خِلنا وسيدنا ونبينا

والشفيع يوم القيام

 

 

 

 

 

 

 

 

 

 

28‏/5‏/2026

صل وسلم وبارك قد ما تشتاق إليه

 

صل وسلم وبارك

قد ما تشتاق إليه

على قد الشوق ح يطرح

قلبك وتلاقي فيه

راحه وود ومحبه

وممالك طارحه أيه

رضوان م المولى دايم

ورصيد تسند عليه

مهما الأيام تعاند

أو تدخُل أي تيه

طه الطاهر بسيرتو

يتفك اللي احنا فيه

من هم ومن مواجع

من غير ازاي؟ وليه؟

بمُجرد بس تهمس

من قلبك وتناجيه

ربك بالحمد ثُم

صل وسلم عليه

رحمات م المولى تنزل

على قلبك تصطفيه

قلبك يطرح محبه

وموده وفرح بيه

ويزيد الفرح أكتر

قد ما تشتاق إليه

أحمد طه المُكمل

صل وسلم عليه

 

 

 

 

28‏/4‏/2026

سيبها للرحمن توكل

 

سيبها للرحمن توكل

خفف الأحمال عليك

لا انتا أحسن م اللي قبلك

ولا أفضل من نبيك

ياما شاف أصناف مرارها

وهَم أضعاف اللي بيك

بس كان صابر عشانك

ل اجل ما يوصل إليك

 شرع ربك دين نبيك

يلا صلي عليه وليك

من حبيبك ياه شفاعه

في القيامه شايلها ليك

يبقى ليه مهموم بدُنيا

سيدنا نفسو وصفها ليك

إنها رحله وح تخلص

مهما تعمل.. فيها ليك

رزقك اللي قسمو ربك

ومُش حتاخد منها ليك

إلا ما شاء اللي خلقك

يا اخي طب هون عليك

وارضى بمشيئتو ويقن

وخفف الأحمال عليك

وسيبها للرحمن. توكل

غصب عنها راح تجيك

دُنيا مأموره وصاحبها

هوا بس يجيبها ليك

لا بشطاره وعلم منك

أو نصاحه وقوه فيك  

يبقى أمر الدُنيا عندو

 عندو وحدو بدون شريك

يبقى سيبها.. سيبها للرحمن

توكل وخفف الأحمال عليك

27‏/4‏/2026

احسن ظنك بربك


 

ظنك بالله يخلي

 

ظنك بالله يخلي

كُل سنينك تروق

مهما الأحوال تعاند

ب يعدلها اللي فوق

ويحلي مرارها دايماً

لو لفك  ألف طوق

يوصلك ما اتكتبلك

يُخرجلك م الشقوق

ويجيلك حد عندك

تتعجب ياه تدوق

رحمات على قد ظنك

بالعالي في مُلكو فوق

ف احسن ظنك بربك

احسن ظنك وفوق

من شياطينك ويقن

إنك مسنود وفوق

مهما تعاندك إلهك

سُبحانه حاكمها فوق

ويعين على قد ظنك

ف استسلم ل اللي فوق

واحسِن ظنك بربك

تحلى سنينك ترووووق

3‏/4‏/2026

ح ندوس عليهُم كُلُهُم أخر الزمان

 

ح ندوس عليهُم كُلُهُم

أخر الزمان

كُل الصهاينه وحلفُهُم

والأمريكان

واللي انتا شايفو (دروشه)

أنا شايفو بان

زمن الملاحم والأمل

وب أقول كمان

آيات كتيره اتحققت

وأوانها أن

نبوءات حبيبنا المُصطفى

ماليه المكان

اكترها باين وانجلى

وقُرأن كمان

فيه وعد صادق بالوعيد

والجاي هان

لحظات في عُمرك يازمن

ويؤن أوان

للأٌمه يرجع رُشدها

ورايات زمان

ترجع ترفرف ع الملأ

ولا أمريكان

نركع وناخُد إذنُهُم

نصدر بيان  

ب إدانه ولا ب مشجبه

و ورا الحيطان

 ب نبوس إيديهُم

نرتعش والكُل هان

لكن خلاص اهي قربت

والوعد بان  

اشتد ليلها وضلِمت؟

يصحى الإيمان

في أُمه خالده وعُمرها

ما يدوم هوان  

أبداً كرامة شرعها

إلا وأدان

ب ينادي حي على الشرف

وجهاد وحان

وقت الملاحم يا بطل

فاتحه الجنان

أبوابها تنده قربوا

وآن الآوان