28/6/2022
27/6/2022
26/6/2022
دُنيا وعلى أد براءتك
دُنيا وعلى أد براءتك
فيها بيطلع دين أهلك
لكن لو عرص ياباشا
كُلو ببيهتف يندهلك
وتعرص تكسب أكتر
كُل الأبواب تفتحلك
والناس دايبين في غرامك
وكمان مهر بتدفعلك
وصكوك غُفران لجنابك
وشيوخ بتقول محجوزلك
100 قصر هناك في الجنه
وشفيع في 200 من أهلك
لكن طيب وف حالك
أبو مين اللي مايتجاهلك
وبشوق يديك خوازيقو
حتى اللي فاكرهُم أهلك
تتجرع فيها سمومها
ويوماتي تموت على مهلك
وماحدش فكر حتى
من باب الذوق يندهلك
ويقولك حتى ازيك
ودا حالك حد ما تهلك
دُنيا وعلى أد براءتك
فيها بيطلع دين
أهلك
21/6/2022
السؤال مش رايحه فين؟
السؤال مش رايحه فين؟
البلد دي ياطيبين
كُلنا شايفينها راحت
كُلنا مُتأكدين
إنها جابت أخرها
وانها راحت لفين؟
حته تانيه تانيه خالص
حته ماليها الآنين
وانها ف قمة عَجزها
وانها غرزت في طين
وحله،روبه ف كُل حته
وانها ف أحلك سنين
والسؤال مابقاش وخالص
البلد دي رايحه فين؟
السؤال بقى إمتى ترجع
يخلص الكابوس ومين؟
مننا حيشوف دي لحظه
ولا حنكون ميتين؟
20/6/2022
سنه أولى عشق
أبداً عشقك مايخلص
م البدء وللممات
سنه أولى عشق لسا
لبيوتك والحارات
وغرامك بالمقاوحه
حتى ف عز الممات
والحلم ببُكره يطرح
مع إن البُكره مات
لكن لساني مُغرم
سنه أولى ف عشق بات
أبداً مافارقني لحظه
بيكي بكُل الحاجات
رغم الرحله الطويله
وسنين عُمري اللي فات
لسا ف قلبي اختيارك
وكتير م الأُمنيات
رغم صحابي اللي راحوا
في سجونك واللي مات
والزُعما اللي استباحوا
أهلك وكتير صاجات
عاهره بتهتف تمجد
فيهُم رغم الممات
البادي ف كُل حته
ساكن كُل
الحارات
ونجوعك والمداين
مرعوبه من اللي أت
عطشك ذُلك ورهَنك
علشان مايعيش طُغاة
ناهبين كُل اللي فيكي
في الماضي وفي اللي أت
19/6/2022
الناس مابتتعرفش
الناس ما بتتعرفش
وقت موده وصفا
جربهُم في انكسارك
تلقى الكُل اختفى
ولافرق مابين سي جرجس
والحاج أبو الوفا
ولابين صاحبك هريدي
ولا جارك مُصطفى
كُلو حيخلع يسيبك
بتحسس ع القفا
وبتنده ع الليالي
تديك المغرفه
تغرف تتعشى حُزنك
والشوق اللي انطفا
للناس وكلام ملزق
عن عِشره وعن وفا
وكتير من ناس حبايبك
نُدمانك في الصفا
لكن وقت انكسارك
فجأه الكُل اختفى
وباقيلك بس حُزنك
تحسيسك ع القفا
ولاد الحرام
ماتهونش العِشره إلا
عند ولاد الحرام
وبتوع الدُنيا غابه
خليك كده م اللئام
واحسب واوزن مشاعرك
بالكام بيساوي كام
عيشها لنفسك لوحدك
مايهمكش الأنام
خليك مشغول بحالك
وحدك حتكون تمام
وانسى الدُنيا بمافيها
عيشها لوحدك ونام
عن إن تواسي غيرك
لو حتى بالكلام
وتبادلو لو مشاعر
وتنسيه ال آلام
بُمجرد حتى بسمه
أو شاور في الزحام
وتقوللو ازاي حالك
وتجمل في الكلام
لكن دي حاجات تقيله
صعبه على ابن الحرام
واللي بيحسبها دايماً
الكام بيساوي كام
والعشره عندو حتى
ماتجيبش اتنين جرام
ومايعرفش الموده
ولايعرفش الوئام
مخلوق من طينه تانيه
صنف ولاد الحرام
17/6/2022
أحلام عاديه
برغيف مايذلنيش
ومعاه علبة سجاير
دايمه وما بتنتهيش
ورصيد م القهوه يكفي
ويكمل مهما أعيش
مع كام مليار مُجلد
واقرا ومايهمنيش
لا إيجار ولاغاز وميه
ومايُحكمنيش شاويش
وعلاج الضغط عندي
والأنسولين وشيش
مفتوح ع البحري دايماً
وزباله كتيررر مافيش
أحلام لكن عاديه
لو كُنت هناك ب اعيش
في بلاد فيها المواطن
مش بيعاملوه كخيش
يتلمع بيه جزمهُم
وعذابو ماينتهيش
إلا اما ف داهيه يرحل
ويغور وماتتقريش
على روحو الفاتحه حتى
وشتيمه ماتنتهيش
ملعون من يوم ميلادو
ولحد ماصار مافيش
14/6/2022
مصر جنه للعساكر
مصر
جنه للعساكر
والطُغاه
والمُجرمين
والعويل بايع كرامتو
والتيوس
والمُخبرين
واللي
بيعرص بذمه
والفساد
والمُقسدين
والشيوخ
البايعه دينها
ل
اجل ماترضي اللعين
واللي
قالعه وملط دايماً
توب
شرفها لأي مين
بوذي
ماشي صليبي ماشي
مؤمنه
وبس بكوهين
ثُم
كم ممحون مُخنث
والإشاعه
مُثقفين
واللي
كاشفه كُل حاجه
ف
أي حته لأي مين
وان
نطقنا يقولوا أخرس
دول
ياعم الفنانين
مصر
جنه لكُل بايع
كُل
حاجه لأي مين
بس
سجن كبير وجداً
ل
اللي بيها مُغرمين
واللي
ناقشينها ف قلوبهُم
واللي
آسرهُم حنين
ليها
ولكُل اللي فيها
مهما
تِسود السنين
9/6/2022
8/6/2022
7/6/2022
الاشتراك في:
الرسائل (Atom)