سبح
لله بقلبك
وتزلزل
في الكيان
مش
بس حروف بتجري
ويادوبك
ع اللسان
سبح
وبكُل ذره
جواك
يملاك إيمان
يفتحها
عليك إلهك
وتلاقي
الوجد بان
جواك
وملاك مشاعر
ويؤن
فيك الأوان
وتكون
عبد بمحبه
لله
وتصير كمان
م
المرضي ياعم عنهُم
م
العايشنها ف أمان
لا
خوف ولا حُزن خالص
ولا
ريبه من الزمان
ولا
شاغله الدُنيا بالهُم
ولا
في قلوبهُم مكان
إلا
لله وذكرو
ذكر
ومالي الكيان
بالحمد
وبالمحبه
لله
والإمتنان
ليست هناك تعليقات:
إرسال تعليق