ابن ست الدُنيا فاطمه
وابن سيدنا الإمام
سبط سيدهُم للخلايق
والمُظلل بالغيام
الحُسين سيدنا وإمامنا
وأي حد من الكرام
لما يسمع سيرتو يعرف
الفداء مُش بالكلام
لما خاض جوا المخاضه
رغم علمو وبالتمام
إنو وحدو وأهل بيتو
وحدو لجيوشك يا شام
لا استكان ولا لان وفاوض
ولا سلِم للئام
في العقيده مافيش موائمه
والإيمان مُش كام لكام
والثبات ع الحق منهج
مش يادوب بس الكلام
حتى لو دمك ح يكتب
للحكايات الختام
دا ابن ست الدُنيا فاطمه
وابن سيدنا الإمام