ياهريدى يا ابن عمى
أتمنى تكون تمام
ويكون صميده ولدك
ب يبلغ السلام
عندينا الدنيا زينه
والناس أخر تمام
ب ياكلوا الصبح لحمه
وب يتغدُم حمام
ويشوفوا الماتش حصرى
وكل بيت فيه كام
يشوفوا بعض فيها
ويشاوروا للمدام
والزرع لوحدوا يطرح
وينبت في انسجام
والعجل يربى نفسو
يسمن ويصير تمام
وكمان ب يخلى بالو
ويعلم الأغنام
ازاى يقولوا أهلا
وبرضو يردوا السلام
لوحد فات وسلم
واحنا مارديناش سلام
ح نعمل أيه؟ مشاغل
والله ما لحقين ننام
يدوب الفلم يخلص
نخُش ف الكلام
الماتش جاى إمتى
واليورو سعرو كام
وميسي خلاص مكمل
ولا ح يقول سلام
ويشو فلو فرقه تانيه
ونفرح في المدام
أتريها ياسيدى برشا
واتبدل الكلام
كانت عاشقه لرونالدو
وانا كنت
كمان تمام
فاهمني طبعاً انتا
مش لازمن الكلام
وماعُدتش أقدر أقنع
بالشرح وبالكلام
لازم أرجع لياقه
واهدف في التمام
وخايف الحال يطول
وافضل حريف كلام
ف أمانه عليك
تجيبلى شريطين
من أبو التمام
وان حد بااخ وسألك
تقول دوا للزُكام
مشكور جدا ياسيدى
وتعاود بالتمام
وانا بُكره ياسيدى ح امرض
واقول جانى الزُكام
وابوس رجلك ما تنسى
ح يموتنى الزُكام
ليست هناك تعليقات:
إرسال تعليق