12‏/3‏/2017

صالح نفسك


مُش كل سلام تحيه
ومُش كل شُرود هيام
ورسمة الشفايف
مش معناها ابتسام
كتير ب تبقى ساكت
و عنيك بتقول   كلام
وكتير تشتاق لنفسك
لو حتى في المنام
تفرح لما تقابلها
وتصرح بالكلام
تبدء ترسم ملامحك
ما تخفش من الملام
تحلم وبكل راحتك
وتنول فيك المرام
وتسافر فيك خيولك
تفرد ليها اللجام
تبدء مليون مُغامره
وتمنحك وسام
والكون برغم ضيقو
لكن أدك تمام 
عايشو بكُل اندهاشك
وبعشق وانسجام
وب حاجات كتير ب تحيا
مُش بس بالطعام
اصدح وافتح بيبانك
وامنح نفسك سلام
ح تعدى بيك ب غيرك
مش ح يفيد انهزام
ف اكتم جواك أنينك
خُد خطوه للأمام
وكأنك عادى جداً
مش حاسس بالزحام
والكون ف عنيك ب يُبرق
والأرض من الرُخام
والورد عبيرو يبهج
حتى ف عز الزُكام
بس انتا تلاقى نفسك
تنشلها من الرُكام
والباقى كلو مُمكن
بس انتا تكون تمام
متصالح ويا نفسك
ومهئ الكلام
لأى شئ ح يحصل

تحمد وتقول تمام