في بلادي
لما الصُبح يطلع
تعرفو
وتشمو في ريحة
البيوت
وب تسمعو
طقات سبح
دعوات ب إن اليوم
يفوت
في بلادي لما الصُبح
يطلع
ترسمو
تتنسمو
تتبسمو
حكايات غريبه
تموتك م الضحك موت
في بلادي لما الصُبح
يطلع
ساعة المناهدة كل
يوم
العيش يابنت
ياحبيبى قوم
تعلى المناهدة
ونبتدى
أنا عايز اغيب
طب بس ليه؟
هو ا كده
اشمعنا انا اللى مُش
ب اغيب؟
يارب يلغوا
المدرسه
يارب اموت
في بلادي لما
الصبح يطلع تعرفو
وتعيشو زحمه ف ميكروباص
ياعم يلا
دول كم
وناس ب تنحت في
الرصاص
حلمانه تتستر
البيوت
في بلادي لما
الصبح يطلع تعرفو
وتغمسو
وبصله وب
تحبس ب شاى
الماتش إمتى ؟
متذاع أكيد؟
تبقى تمضيلى انصراف
العُذر أيه ؟
بنت ابن خالتي
بتفكر تموت
في بلادى لما
الصبح يطلع تعرفو
بكلام كتيير
--كان قلبه ابيض
--ده كان امير
--دا انا لسه شيفو
من يمكن ما فيش
--في عزا ام يسرى ؟
--لا ما روحتش
شفته في ماتش
المنتخب
هيا ماتت ؟
--انتا مش بتقول قريبتك؟
ولا
جوزها طلع معاش ؟
--قصدك ايه ؟
-- ما أقصدش حاجه
ياسيدى ركز في العز ا
ربعين ونخلص
يعنى كان
لازم عزا ؟
كنا خدناه في الترب
--بس شكل المعزا كلفهم كتيير ؟
--مهما كلف هو كان كانز شويه ؟
--ايوه دا غير البيوت
ألف استعاذه من
اللى جاى
دعوات بأن اليوم
يفوت