عيان بيطبطب على ميت؟
ياحويط
وفكيك
مشيها يطبطب
أحسن لك
وبلاش تلكيك
مشيها يطبطب
وحياتك
الله يخليك
وأوجاع كتير بتجيك
وح تعمل ايه ؟؟
ولا حاجه لازم تكمل وابتسم
طبعا لازم تكمل وابتسم
واستني بكره
أيوه ياسيدى استني
ايوه ح تعمل ؟
مليون سنة مستنى ؟
طيب مش كتير !
ودى مصر وتستاهل ياسيدى أكتر من
كده
والفجر ماله مابيعملش ايه ؟
ما بيشروقش ؟
ح يجيله يوم ويشرق بس انت صفى
نيتك
والوطن ؟
ماله الوطن؟
مبسوط وعا ل
العال ومزقطط أوى
بس أنت اللى بتحبكها
دايما حبتين
والمواطن ؟
ماله ياسيدى المواطن ؟
خدنا له دور في الفيلم مع شعبان
عب الرحيم
عيان في ميت والحكاية فل
بدأت تغيم وح يستفيد الكل
ينزل مطر؟ تنزل سيول ؟مش ذنبنا
أحنا بندعى بس بالتساهل
لكن النتيجة دى انت ورؤيتك
أنت ياسيدى ونيتك
فيك مطرت ؟
فيك سيلت ؟
مش ذنبنا
أكيد سببها دعوتك
عيان في ميت ومعروف اللى فيه
بيصير
اخرتها ايه يعنى ؟
عمليه في البواسير
فدا مصر يا مفتح
أوى
يابصير