لو لك مزاج تفهم ؟
أهلاً ياعم
الحاج
لو ناوى تفلسف
سلام يا ----امك
مش طالبه هيا زهق
ولا طالبه تحاليلك
نقطنا بسكاتك
غرقتها وقاعد
نورتنا ياسيدى
يلا بقى أرغى
أتفضل اتفذ لك
أتنيل اتسهوِك
أُطُرُش وسمعنا
كلام مالوش معنى
واخرة بطولاتك
كنت فين ؟
كنت فين ؟
لما كان الدم
واصل للرُكب
ما لى الميدان
لما كان الزهر
فارش ضحكتو
فارد العيدان
لما كان الفجر لسه
بيبتدي دق البيبان
كنت لسا ع الحياد؟
كنت أبعد م الحياد
كنت بتبوس الجزم
رؤيتك ؟
هأو؟
ما نجيلكش ف رؤية
ياعم الرؤى
كل ثانية ب تبدل
رؤى
فارس أوى
لما الصباح
بان في الميدان ؟
ورقيق أوى
لما الصبايا ب تتسحل؟
مبروك عليك
لون الز بيبه
ماشيا مع
الجاكت
ومع الجماعه الخير
كتير
ما اقصُدش حاجة
ياعم الرؤى
وهو انت يعنى صبرت
؟
في ثواني بد
لت الرؤى ؟
مش دى البياده ؟
وبرضه ده حكم
العساكر ؟
ولا دى ماكنتش
برضه رؤيتك ؟
ع العموم أنستنا
ولو كان لك مزاج
تفهم ؟
أهلاً ياعم الحج
ولو ناوى تتفلسف
سلام