وميدان الساعه ف
طنطا
وف طنطا حاجات كتير
لكن مافيهاش أونطه
ولا فيها العيب
يصير
والناس راضيه
وغلابه
وبترضى باليسير
تسأل عن أى شارع
الكُل معاك يسير
يوصلك لحدو
ويرجع مرضى
الضمير
ويشاور بالسلامه
ويبشرك بخير
وسيدي عز ف أخر
البورصه
وبعديها يمين تسير
حتلاقى الخان منور
والزحمه وناس كتير
والحق بدلة حماده
وخد لك جزمه لعبير
ويهل مقامو
أحمد
ومدد تملا الأثير
وميدان وسيع ولمه
والخلق كتير كتير
والحُمص ريحتُه
فاحت
ماليه الشارع عبير
مولد شا الله ياسيد
ملايين فارشه
الحصير
والمداحين سكاري
ذكر ومالى الأثير
وبعد السيد تلاقى
على طول سيدنا
البهى
مترين تلقى المحطه
والناس رايح وجى
مولد سيدنا الليله
دى
ومافيش في الكون
لُو زى
قادت شوارعها طنطا
والضي ينادي ضي
مافيهاش أبداً
أونطه
وفي الحُسن ماليها
زى
ومدد عمار ياطنطا
ونيجي العام اللى
جاي