والدُنيا
حلم عابر
مهما
تعيش من سنين
ح
يجيلك يوم تغادر
زيك
كما كُل مين
فاتها
بكُل اللي فيها
بعد
ما قضى اليومين
واهو
قابل وجه ربه
حانت
ساعة اليقين
وماخدش
ف إيدو حاجه
ولا
حتى مليمين
فاتها
بكُل اللي فيها
وورثها
الموعودين
وتلف
الدايره تاني
ويسيبها
الموهومين
بدوام
حالهُم وحالها
ويغادروا
ككُل مين
يورثها
حد غيرهُم
ويعيش
فيها اليومين
والدايم
وجه ربك
قبل
وبعد السنين
للمره
الألف وحدك
مُش
عارف تعمل ايه
غير
بس تلوذ بصمتك
وزمان
ندان عليه
وتصارع
في المواجع
مُش
باين أي أيه
من
إحلامك ح يطرح
ولا
ح تُدخُل في تيه
كالعاده
وتلقى نفسك
واقف
تنده عليه
ضلك
سابك وغادر
ولا
عندك شوق إليه
مابقاش
حيلتك مناهده
ولا
حلم بتشتهيه
أحمد
سيد الخلايق
أحمد
خير الأنام
والبركه
في البدايه
وكمان
مسك الختام
أول
ما اليوم يشقشق
ابذء
بقى بالسلام
عطر
فمك وصلي
قلبك
حيقول تمام
بدأ
اليوم بالبشاره
وصلاتنا
والسلام
على
سيدنا تكون عمادنا
يرضى
رب الأنام
الله
ع اليوم يا سيدي
الله
الله وهام
قلبي
ف ملكوت خالقنا
راضي
ومبسوط تمام
ولا
حاسس غير بإني
طاير
كده كالحمام
طول
ما الذكر ف لساني
وسيرة
خير الأنام
فيارب
تصلِ دايماً
حتى
ليوم القيام
على
سيدنا ونور قلوبنا
أحمد
خير الأنام
كدابه الدُنيا دايماً
بتخون المُغرمين
بيها وفاكرينها دايمه
ويفوقوا بعد حين
يلاقوها خلاص بتخلص
والباقي يادوب حنين
لسنين ولت وراحت
مُش سايبه غير آنين
راحت وخدت معاها
كل اللي كان خزين
من صحه وناس وجاهك
وجمال زال بعد حين
مابقاش غير الحقيقه
وجه الدُنيا اللعين
وغرامه تذل دايماَ
الكل وأي مين
ومهما احلوت بترجع
تسقيك مُر السنين
وتساومك ع اللي باقي
من يادوبك يومين
عايزاك توصل لقبرك
في يادوبك لمح عين
ما خلاص خدت اللي عايزه
أيامك والسنين
بعد ما كانت تقولك
تؤمُر وف أي حين
واللي
يقولك مصر اشخُرلو
وشد
الشيشه وهاتلك شاي
والخلفيه
تكون مزيكا
كئيبه
كأبة مليار ناي
ناس
تعشقها تعيش جعانه
وناس
تسرقها وشوف ازاي
عايشه
ملوك وبتنهب فيها
ويستكتروا
على ناسها الشاي
وان
زمزقنا يقولك بُكرا
وبنستنى
ف بُكرا الجاي
نلقاه
زاد في رصيد حساباتهُم
واحنا
الفُقرا أخرنا الشاي
ثُم
نشد الشيشه وجامد
والخلفيه
كئيبه لناي
عمال
يندب عن أوهامنا
وعن
خوازيقنا ف بُكرا الجاي
بُكرا
ال أبداً عُمرو مازارنا
إلا
بغم وهَم وناي
لحنو الصارخ كُلو كأبه
وعيشه
ما نعرف ماشيه ازاي
احنا
بتوع اللي باقي
م
الدُنيا الكلمتين
يتقالوا
بحُب عنك
مهما
تعدي السنين
وختام
طيب يشرف
ونكون
م الموعودين
يرضى
علينا اللي قادر
يهدينا
وبيقين
نتحملها
بوجعها
ونحايل
في السنين
مهما
تضيق المعاييش
مهما
يزيد الآنين
نحمد
دايماً وأبداً
حد
ماييجي اليقين
ونفارقها
بمحبه
لا
عتاب ولا زعلانين
دنيا
وماكانتش لينا
ولا
ليها مُشتاقين
لو
دامت يوم لكانت
دايمه
لسيدنا الأمين
صلبه
الدنيا معاك كما صخره
وانتا
الطيب كده بجنون
وساعات
تبكي كتير من غلبك
وكتير
تزرع كل الكون
من
بساتين شوقك وحنانك
رايق
صافي كتير وحنون
طيب
أوى ومسالم جدا
بالأشواق
للناس معجون
بابك
فاتح كده ع البحري
أبدا
مره ما يوم بتخون
بس
الدنيا معانداك دايما
ولا
فيه مره العهد تصون
ياما
بتوعد قلبك يفرح
ولا
فيه مره الفرح يكون
صاحبك
حتى دقيقه ياطيب
أو
يتبسم ليك الكون
مهما القلوب ضلت
أنا قلبي غزاوي
متحني بترابها
وف عشقها ناوى
أكمل الرحله
ومصدق الراوي
جايه الرايات عاليه
بالنصر وغناوي
بالعزه للأُمه
والخزي للغاوي
يحياها صُهيوني
كافر وبيساوي
بين الل بيجاهد
والخانع الهاوي
خنزير كده يفضل
ويموت لعين غاوي
ومهما القلوب ضلت
أنا قلبي غزاوي
وكلمة فلسطيني
لقلبي بتدواى
أمن بالله توكل
سيب أمرك للرحيم
تُجبر والله حتماً
ب اسم البر الكريم
وتلاقى الصعب هين
لين وبيستقيم
عوجان الدُنيا خالص
ونصيحه من عليم
مهما الأيام تعاندك
اتحصن بالعظيم
العارف باللى عندك
وعليك دايماً رحيم
أرحم من قلب أُمك
ولا ح يسيبك تهيم
وتتوه في الدُنيا وحدك
أو ينتصر الرجيم
على ظنك باللي خلقك
ومعاك دايماً كريم
خليك كده في المعيه
واتحصن كده بالعظيم
قوم
م النوم طبطب على نفسك
وصحي
كمان الحلم معاك
واوعى
تضايق نفسك لحظه
يلا
اتفاءل وارمي وراك
كل
هموم الدنيا وصفر
دندن
واملا الكون بغُناك
مش
محتاجه الدُنيا كأبه
ولا
محتاجه تبُص وراك
وتجلد
نفسك كده ع الفاضي
ودمعه
عينك دايمه معاك
لسا
ياعم يادوبنا بنصحى
كئيبه
الدنيا ومُش نقصاك
يعنى
تزود فيها كأبه
تلوي
البوز وتزيد في أساك
أفرد
وشك يلا وفرفش
وماتنساش
بالمره قفاك
طبطب
برضو عليه بالمره
ياما
اتبهدل فيها معاك
دُنيا
وكانت كده شايفاك
غاوي
الغم قالتك ماشي
وانا
ع الحال دا ح اعيشها معاك
ف
يبقى الحل تقوم من نومك
ترمي
ياعم الغم وراك
طبطب
جامد كده على نفسك
وصحي
كمان الحلم معاك
