عبدك ع الباب وواقف
مذلول وبيستجير
وحمولو كتيره ياما
وذنوب أكتر كتير
من إ نو يعد منها
حتى ولو شيء يسير
لكن طمعان في عفوك
وف صفحك وف كتير
من كرمك جل شأنك
وتيسرلو العسير
وتتم عليه جمايلك
وتجود لو باليسير
من لُطف وستر منك
ويسيرك ياااه كتير
ويساع الكل فضلك
ويفيض أكتر كتير
يا سبحانك وحظو
من جالك يستجير
دليتو عليك يجيلك
واديت امارات كتير
واهو واقف عند بابك
عبدك وبيستجير
ف اغفر يارب سامح
يسر كل العسير
وامنح وامنح وزود
طمن قلبو الكسير
يومين يمكن تلاته
يمكن شهرين سنه
يمكن مايكونش خالص
ولا طول الأزمنه
ألقاك فاتح بيبانك
بتدندن بالغُنا
بتشاورلي انى اخطى
لشطوطك والمُنى
فارده قلوعها المراكب
بتسابق حلمنا
نرحل لبلاد بعيده
مسكونه بعشقنا
مافيش غير ناس بريئه
تشبهنا وزينا
عاشقه الليل والأغانى
والزاد الدندنه
يمكن نوصل ويمكن
يعاندنا حلمنا
يفضل بس التمنى
ونموت كان نفسنا
حالي ...
وانتا اللي أعلم
بالحال ازاي يكون
لما الأيام تعاند
وتخالفنى الظنون
في الأمتار الأخيره
م الرحله وترك كون
أبداً ما عشقتو خالص
ولا بادلتو الشجون
عشتو وكما رحله عابره
ما عرفتش فيه أكون
أكتر من حلم ساذج
كان نفسو ف يوم يكون
واقع لكن ما كانشي
ولا قادر يوم يكون
واحمد ربك
لأنك
بتقاوم مُش دنب
كمل قاوم
لوحدك
و متستناش
عرب
أهون من ماتش
كوره
دمك عند
العرب
واهون من
فيلم بورنو
أو من قعدة
طرب
ف اصبر ع
الموت قاوم
وما تستناش
عرب
عرب الأيام
دي سُبه
والعن من مية
جرب
مش أولاد
المُثنى
ولا ليهُم م
العرب
غير بس حروف
لغتهم
ولافيهم م
النسب
إلا رتوش
الملامح
وقلوبهُم من
حطب
لا الدم
بيستثيرهُم
ولافيهم من
غضب
كداب اللي
استفزك
أو قالك دول
عرب
لا في
الإسلام مثيلهُم
ولا كُفار
العرب
أبو جهل أعز
منهُم
وأُميه وأبو
لهب
دول توليفة
زباله
وما يتحسبوش
عرب
عُباد أمريكا
أبداً
مايتحسبوش
عرب
يبقى تقاوم
لوحدك
يبقى تكمل لوحدك
تحمد ربك
وتشكُر
دا لأنك مُش
دنب
زى اللي كتير
حُثاله
وانتا فاكرهم
عرب
مستنى
النُصره منهم
للدم وللأخوه
والدين ولمية سبب
لكن محزون
بقولك
ياخيبتك في
العرب
ف اهون من
ماتش كوره
دمك عند
العرب
واهون من
فيلم بورنو
أو من قعدة
طرب
الناس المشتهيه
ونسك
تشتاق اليك
وتعدي بحار كتيره
وبلاد تسأل عليك
تفتح مليار مغاره
حد ماتوصل اليك
تُعذر. دايماً تسامح
ولا ترضى بكلمه فيك
واما تشوفك تهلل
من كُتر الفرحه بيك
محزون تفضل تطبطب
تمسح دمعة عينيك
وتقاسمك في المشاعر
وتعينك ع اللي فيك
وتولك شد حيلك
وتمد ايديها ليك
واخر لُقمه ف ايديها
تهمس تناولها ليك
مطرح ما يسري يمري
ودوام العافيه ليك
في البلد دي الصدق خيبه
والأمين منبوذ لعين
واللي ما يُرُقصش يخسر
مهما كان عالم مكين
واللي عاشقين الكرامه
ع الرصيف متلقحين
واللي يعشقها تذلو
وتجعلو صِفر الإيدين
واللي يمسح جوخ دا باشا
وينتسب للأكرمين
رغم ان الكُل عارف
ابن رقاصه اللعين
صار مجرد بس اساند
غزه ع المنبر حرام!!
والتعاطُف م الكبائر!!
واجتراء قال ع النظام
يا عرب بعد المهانه
يا عرب مافيش كلام
يوصف الحاله اللعينه
ويوصف الوضع السخام
غير بإن انتوا الركوبه
والكيان ماسك اللجام
والقرود هيا اللى حاكم
والأسود ماتت ونام
الجميع في سرير أمريكا
وضع مش محتاج كلام
ولا نشرح ايه بيحصل
للجميع بعد اما نام
وانبطح تحت الصهيانه
وجاي يحاضرنا بكلام
عن مُهادنه وعن مُعايشه
وأد أيه حلو السلام
روح يا قرد الله يسيئك
يا اللي عايشاها حرام
يا كراسي باعت شرفها
وانتشت في لواط تمام
تحت احفاد
الصهاينه
والخنازير اللئام
أما غزه ف قبله لينا
وشرعنا الواضح تمام
خلى غزه عشق فينا
وف هواها مين يُلام
لسا فيك ياوطني عزه
ولسا فيك رايات جهاد
والرايات رافعاها غزه
غزه يا ست البلاد
والامل في النصر لازم
طول ما فيه زيك ولاد
يا ولد من غزه فارس
يا اللي معجون بالجهاد
والصبيه الغزاويه
واقفه كالخنساء وزاد
ع الجميع أبو ضهر محني
في المقاومه وف العناد
الوطن وبحالو سلم
وانتوا لسا ع الميعاد
ويا ساعات الملاحم
ودرعنا ف وش الجراد
غزه يا عز الأماكن
غزه يا ست البلاد
الأولى غزه
والتانيه غزه
والتالته غزه
الأولى غزه يارايه مرفوعه
قال النبي عنك
أحاديث ومرفوعه
مهما الجميع خذلك
أفراد ومجموعه
واتخذوا صهيوني
قِبله ومسموعه
جاي يوم وتنتصري
والهامه مرفوعه
وترتل الإسراء
تلاقيها مجموعه
قصه بتفاصيلها
خالده ومسموعه
والثانيه غزه
قال النبي عنها
في رباط ليوم دينها
ولا يوم تحيد عنو
هيا وأكنافو
للمسجد الأقصى
واللي قريب منو
والتالته غزه
لساها بتقاوم
وبتعلا بالرايه
راية النبي الأعظم
وترتل الآيه
عن نصرها الأتى
وحلمها الغايه
يتحرر الأقصى
وصهاينه لنهايه
ختمه تليق بيهُم
ولا بعدها بدايه
الأولى غزه
والتانيه غزه
والتالته غزه
ولحد ما تخلص
كُل الحروف غزه
والفرق بين كافر
والمؤمنين غزه
وإما تموت كافر
يا تساند الغزه
عديها ماشي بدون زهق
(يومك سعيد)!!
وبلاش تطول في الكلام
وتزيد تعيد
انا لسا قايم من منام
زيك بغيض
كان كلو هم ومحزنه
وقضبان حديد
فبلاش تزيد اليوم قرف
تملاه صديد
بكتير سخافه وأسئله
مش راح تفيد
عن ايه جرالي وغيرو
لطبعى الفريد
ياعم طول عمري كده
وما فيش جديد
ما انا مصري ساكن اُمها
وعايش طريد
مش من سويسرا
وأهلها
أو م السويد
علشان تلقح كل يوم وتزيد تعيد
كل اما تلمح خلقتي
يومك سعيد
وا خلص ياعم بلاش زهق
ياغتيت بليد
مين اللي جوا المطحنه
ف مصر وسعيد
ويا عم بطل نقوره
وشوفالك جديد
وبلاش تقولها لمصري
ل احسن يقتلك( يومك سعيد)
ب ادعوك يا أقرب م الوريد
والليله عيد
تمنح لغزه محبتك وثبات تزيد
أهل الكرامه يكملوا
وتشد إيد
رفعت راياتها بكلمتك
نضمت نشيد
للعزه سايره مكمله
وجهاد شديد
والوعد منك يا قوي
وهيا الوعيد
على كل ظالم تدهسو
وعالم جديد
بجهادها غزه بترسمو
وتكتب نشيد
ساجده الملايكه ترتلو
وتدعي بمزيد
م النصر منك يا قوي
وبأسك شديد
تمنح لغزه محبتك
ونيران تقيد
في كيان بليد مليان عفن
ملعون بغيض
بانت نهايتو وقربت
يا ودود مجيد
ثبتها غزه وعزها
وثباتها زيد
وانصُرها وانصُر أهلها
واوهبها عيد
على أد صونها لكلمتك
بجهاد شديد
ضد الملاعنه الملعونين
في كتابك الحق المجيد
كل النبض ف قلبي لغزه
دمي خلاص أصبح غزاوي
وان جات بنت ح اسميها غزه
وان جه واد ح اكتبو غزاوي
حاجه جميله واسم يشرف
ونكيد بيه العدا ونداوى
جرح بقالو سنين كان نازف
فينا وياما كتيره حكاوي
عن جبروت صهيوني معفن
بس طلعلو الفارس ناوي
تحت الجزمه يدوسو ويكتب
نصر حقيقي مش بغناوي
70 سنه بينغنى المطرب
واحنا وراه في الصف نساوي
ونصحى نلاقى الغنا ع الفاضي
عُمرو ماحرر أرض ياغاوي
تجيب كده حك ايوه ب ا يدك
وتبقى حقيقي بطل غزاوي
علشان كده ب اهتفها وعلناً
قلبي خلاص أصبح غزاوى
وان جات بنت ح اسميها غزه
وان كان واد ح اكتبو غزاوي