25/5/2024
24/5/2024
أد أيه م العُمر باقي؟
أد أيه م العُمر باقي؟
وكم ح أعيش انا م السنين؟
مش مُهم ياسيدنا خالص
والأهم ح تبقى فين؟
لو سعيت سعيك لأخره
يبقى أخر السعي زين
وان مليت صًحقك معاصي
مين يشيلها معاك؟ ومين؟
عند رب العزه يشفع
فيك مُجرد كلمتين
كُلنا مشغول بحالو
وكُلنا اتغل الإيدين
مرهونين على أي حسنه
مأسورين بنشيل في طين
كلو بيقول يلا نفسي
يوم بألاف السنين
والحساب فوق أي طاقه
منه خاف المرسلين
واستعاذوا ف كُل لحظه
أد ما عاشوا السنين
واللي لك هنا بس عملك
وانشغلت وادي السنين
انقضت ويا دوب كلحظه
ثُم بُص بقينا فين
ف استعيذ بالله وبطل
م الأمل في طول سنين
وعيش كأنك بعد لحظه
ح تفارقها وع المُعين
قوم توكل ناجي ربك
يلا صلي ركعتين
واشغل النفس بمكانك
يوم مماتنا ح تبقى فين؟
مش مُهم العُمر خالص
أو فاضلك كم سنين
الأهم ختام يفرح
زي شأن المؤمنين
إدعى وادعيلنا ننولها
ويحسن الخاتمه المُعين
صل وسلم وبارك
صل وسلم وبارك
على سيد المرسلين
طه العدنان وأهلو
وصحابو المُكرمين
طه العامر مقامو
وليوم ما العالمين
يتمنوه الشفاعه
وينولها الموعودين
صلى عليه اللي خلقو
وملايكه ومؤمنين
وأمرنا نصلى دايماً
ونسلم كُل حين
وادعى ب إنك تزورو
ادعى وكُلك يقين
واتوسل بيه لربك
واحمد من بعدو مين
بيكون نعم الوسيله
وجميع المؤمنين
تترجاه الشفاعه
يوم العرض المُبين
ويا بخت اللي ينولها
ويا سعد المُكرمين
بصلاه وتسليم على احمد
طه النور المُبين
17/5/2024
16/5/2024
15/5/2024
في الشعر مافيش مكاسب
في الشِعر مافيش
مكاسب
الشِعر مالوش
أمان
ويا تخسر كُل
حاجه
إما تبطل رهان
على إن الشِعر
صاحب
يملا عليك
المكان
يواسيك ساعات
جروحك
ويطبطب ع
البيبان
ويقولك يلا
جيتلك
ح اديك صك
الأمان
فجأه بيهرب
يسيبك
ويطلعلك لسان
ترجع وتلوم في
نفسك
صدقت الأُلعبان
وموبوء بالشعر
قلبي
ساكني من زمان
أبداً ما فادني
مره
ولا حسسني بأمان
ولا دوقني
المسره
ولا دق على
البيبان
لكن مُغرم صبابه
مفتون
بالأُلعبان
ما اقدرش استغنى
عنو
مهما يسد
البيبان
موبوء أنا بيه
واكمل
مهما خسرت
الرهان
وبلهفه عليه ب
ادور
مهما يصُد
الجبان
مؤمن عارف بإنو
أبداً مالوش
أمان
وما فيش غير
الخُساره
بس مكمل رهان
14/5/2024
13/5/2024
12/5/2024
10/5/2024
9/5/2024
من كبار عُشاقها لكن
من كبار عُشاقها لكن
طبعها القاسيه علينا
توهب الجاحدين فرحها
وتملى بالأحزان وادينا
للشقا بتوهبنا واحنا
برعُم اخضر وتلاقينا
بوشها الباهت وتندب
كُل طلعة صُبح لينا
تُنصُب الأفراح وترقُص
عندهُم والدين علينا
والتمن هدمة عالينا
ولُقمة العيش اللعينه
والسكن في حواري طافحه
بالشقا ومكتوب علينا
أول اما تطُب ساكته
الشاويش ينده علينا
لموا يلا فلوس نعالج
والرغيف يكتر علينا
والغريب بنقوم ونجمع
نقلع الهدمه ال علينا
وتانى ترجع تدى خيرها
واحنا في التُربه تتواينا
يا بلد عاشقك ضحيه
ول اللى ناهبك أحلى مينا
من كبار شُعرائها لكن
من كبار شُعرائها لكن.
لُقمة العيش اللعينه
دوختنى وغلبتني
وتوهتني ف كُل مينا
من شمالها ولجنوبها
وحدي في ظروفى الضنينه
وانتظر تطرح لا يُمكن
يبدو مُش مقسومه لينا
ف البلد كارهه جداً
ل اللي عاشقينها وادينا
فيها بنحاول نلملم
جرحنا وننكر ما فينا
من كمد ساكن قلوبنا
من مرار تعذيبها لينا
يامُسهِل
يا مُسهل
قربت تخلص خلاص
رحلتى وجاى
الخلاص
والفكاك من
دٌنيا كانت
موحشه وفيها
الإساس
الخيانه وغدر
دايم
من وحوش محسوبه
ناس
ياه على الرحله الكئيبه
وياه على القلب
اللي حاس
حوسة الصادقين
وداس
فوق دماغو كُل
سافل
من بقر محسوبه
ناس
6/5/2024
في اللوكاندات الفقيره
في اللوكاندات
الفقيره
وع الرصيف في
بلاد بعيده
والقهاوي النُص
لِبه
حتلاقينى بقولك
اهلاً
خُش بيمينك وسلم.
حظك الليلادي
طيب
. فيه فلوس .
لك عندى قهوه
وربنا بالخير
متمم
والفلس ناسينى
صُدفه
مُش عاويدو.
الله يسلم
بس ما تطمعش
نفسك
بكره تشرب قهوه
تانى
بكره أكون في
بلاد بعيده
أو رصيف في قاره
تانيه
أو حسب صاحب
المشيئه
ربنا يسهل واعلِم
قلبي يرسى في أي
حته
نستريح مره فتره
قول يومين يمكن
تلاته
بس مش باين ح
اسلم
خدت ع الترحال
وقلبي
نبضو في الترحال
وساكن
منى في المدن
البعيده
وفي اللوكاندات
الرخيصه
والقهاوي النُص
لِبه
لحد ما للروح ح
اسلم
ب ادعوك وانتا اللي عالم
ب ادعوك وانتا اللي عالم
محتاجلك أد أيه
تُجبُر كسرة فؤادي
ويفيض كرمك عليه
عبدك مغلوب
وأملو
إنك تحسن إليه
مابقاش غيرك يغيثيني
ولاحد اسند عليه
غير باب كرمك وعفوك
واهو جيت واقف عليه
وب ادُق بكُل عزمي
ودموع تترجى فيه
يفتح بابك ياربي
من غير مايقولي أيه؟
جابك بعد انكسارك
وانفض اللي انتا فيه
من سامر كُنت فاكر
حيدوملك م اللي بيه
مالك أو حتى صاحب
تقدر تسند عليه
ما قدرتش ارُد لكن
واقف ع الباب وأيه؟
ما انتا العالم بحالي
أوصفلك بس أيه؟
مُش باقي إلا لُطفك
وكتيررررررر محتاج إليه
ف افتح بابك وغيثني
وارحمني من اللي فيه
خُلصت وخلاص ماعادشي
غيرك تحسن إليه
عبدك واللي استحالت
دُنياه كده ألف تيه
إفرجها ياعالم
إفرجها ياعالم
بالضيقه وبحالي
خلِصِت خلاص حيلي
والباقي من مالي
مايجيبش ولا حتى
يادوب رغيف خالي
وانفضِت الصُحبه
والأهل والحالي
مرعوب انا منو
مأزومه أحوالي
واللي بقى بابك
ماتردنيش خالي
واكرمني من فضلك
يسرلي أحوالي
حتى ولو مُذنب
يسرها ياعالي
أصلي ماليش غيرك
ولا في الفؤاد تالي
بعدك أنا اشكيلو
ويعدل احوالي
وحدي على بابك
وحدي بوفاض خالي
م الأهل والصُحبه
والباقي من مالي
مايجيبش لو حتى
أُقسم رغيف خالي
وماليش انا غيرك
وحلفت بالغالي
أحمد نبيك تأذن
تتعدل احوالي
تفرجها ياعالم
بالضيقه وبحالي
يا أمان ل اللي استجارك
يا أمان ل اللي
استجارك
يا ملاذ
المهمومين
يا مُغيث من غير
ما نشرح
حالنا أو يعلا
الآنين
في القلوب اللي
استحالت
صحرا مليانه
بسنين
م العطش وجفاف
ما يدرى
بيه سواك
وبنستعين
بيك على الدُنيا
ومرارها
وع البلايا انتا
المُعين
كُلنا أسرى ف
رحابك
ما ف حيلتنا غير
يقين
إن ما بعدك ح
يُجبر
وان ما غيرك
يعين
ف اغفر الزلات
ياغافر
يا رؤف
بالمؤمنين
واملا بالأفراح
قلوبنا
وافتح الأبواب
لمين
عندها ب إسمك
يسبح
والدموع ماليه
العينين
واشملو بفضلك
وعفوك
يا رجاء السائلين
يا أمان ل اللي
استجارك
يا ملاذ
المهمومين
5/5/2024
الله يأذى اللي يأذى
الله يأدي اللي
يأدي
ويخزى ولاد
الحرام
عُشاق تخرب ما
تعمر
وعلى الدُنيا
الظلام
والكارهين
المحبه
والناس تحيا ف
سلام
والعايشين ع
المصايب
خنازير نقل
الكلام
تعرفهُم من
وشوشهُم
مهما يكون
الزحام
سحنه ومكتوب
عليها
إبليس ليهُم
إمام
4/5/2024
السلام على طه عِزه
السلام على طه
عِزه
والصلاه بركات
ونور
سيرة المُختار
كريمه
كالألىء في
البحور
واللي يعشق
سيدنا يُجبر
يهتدى ويملاه
سرور
عُمرو ما يحتار
ويشقى
مهما طالت بيه
دهور
مهما شاف م
الدُنيا تحلى
دُنيتو وفي
الأخره نور
كُل من شافوا
شهدلو
بالمحبه
وبالحبور
باينه في الوش
العلامه
وفايحه زخات
العُطور
م اللي سلم
واللي صلى
ع النبي ونال
السُرور
ف السلام على طه
عِزه
وتجعلك بدر
البدور
والصلاه تزيدك
محبه
والفؤاد مليان
بنور
ثُم ع الكوثر ح
تشرب
من إيديه يوم
السرور
يوم ما طه يقولك
أهلاً
والملايكه عليك
تدور
بالتهاني
وبالمُباركه
بجنه خالده في
القصور
طاب وجاب السعي
أخرو
في الجِنان
ونعيم وحور
ويا اللي
ماصليتش لسا
فوق بقى وجاهد
وزور
البساتين البهيه
وهات لآلئ من
بحور
السلام على
سيدنا طه
ومني نفسك
بالسرور
ضوى وشك بالمحبه
والفؤاد إملاه
بنور
بالصلاه وسلام
على أحمد
واللي خالده ع
العصور
مليارات بتروح
ويجي
مليارات وسنين
تدور
ويبقى دايم ذكر
طه
بعد مولانا
الغفور
بيها مرفوعه
البلايا
وبيها مجبوره
الكسور
في المشاعر
والخواطر
ثُم تتبدل سرور
الاشتراك في:
الرسائل (Atom)